O PP de Nigrán solicita un Centro de Día

O Partido Popular de Nigrán presentou ao pasado cheo unha moción para instar á Xunta de Galicia a que inclúa a Nigrán no programa de Centros de Día “e así, dunha vez por todas, poder gozar dunhas instalacións tan necesarias como estas para especialmente os nosos maiores e aquelas persoas que por diversas doenzas necesíteno”.

Alberto García Pazos, encargado da defensa da moción, quixo facer ver aos concelleiros do goberno a importancia desta cuestión e de levar un apoio unánime da corporación á Xunta para que “nos papeis da Consellería empece a saír o nome de Nigrán e nun futuro moi curto o centro de día sexa unha realidade. Se non se fai xa a xestión, polo funcionamento actual da consellería pasarán anos para que o centro de día de Nigrán estea nos plans do goberno autonómico”.

Pola súa banda, o voceiro Popular, Alberto Valverde criticou con dureza a actitude dos grupos de goberno que durante o cheo municipal agradecían a preocupación do Partido Popular pero que non iban a votar a favor porque din que xa están traballando neste tema. Alberto Valverde acusoulles de utilizar “unha dobre careta xa que por un lado din que por suposto o tema é importante pero por outra beira non son capaces de votar a favor dunha moción moi interesante para Nigrán por vir da beira da oposición”. “Lamentablemente esa é a actitude que existe realmente en Nigrán desde o goberno municipal, unha actitude despótica constantemente disfrazada de discursos cheos de palabras bonitas pero por desgraza baleiras de contido. Por desgraza esta é a Política que algúns están acostumados a facer pero nós desde o Partido Popular seguiremos loitando polos xuros dos veciños a pesar de encontrarnos coa “oposición do goberno municipal”.