Comezan as xeiras do Instituto de Estudos Miñoranos

Como xa é tradicional o Instituto de Estudos Miñoranos organiza todos os veráns -este ano por oitavo ano consecutivo- unha serie de visitas-guiadas ou xeiras a distintos lugares de especial interese histórico, artístico, natural e paisaxístico do Val Miñor.

Trátase de pequenos percorridos a realizar polas tardes –excepcionalmente ao anoitecer- dirixidos por especialistas no tema da visita. O programa está pechado (ver documento que se adxunta) e conta coa colaboración de diversas institucións.
Tres ciclos de xeirasEste verán preparamos xeiras en tres ciclos con diferente tipoloxía. Xunto as xa clásicas rutas de sendeirismo por diferentes lugares do noso entorno que conforman o primeiro ciclo, iniciamos este ano saídas marítimas polo contorno próximo ao Val Miñor, con especial referencia á toponimia do mar.
Unha das saídas atende de maneira interdisciplinar á existencia na serra da Groba de vellos Foxos de lobos, de uso tradicional durante séculos. Relacionaremos esta saída (o día de San Lorenzo) coa observación do firmameto.
O martes, 7 de xullo, primeira das xeiras do verán 2009: Saída pola baía de Baiona no motoveleiro Nauja
As 18,30 horas do martes 7 de xullo sairá do peirao da Lonxa de Baiona o motoveleiro Nauja que, baixo a guía de Xosé Lois Vilar, nos levará pola mar de Baiona-Cabo Silleiro, con especial mención da rica toponimia creada polos mariñeiros durante centos de anos. O custe é de 18 €, e será preciso anotarse previamente no teléfono 629 11 41 62.

  

Data e hora	Saída	Guías	Punto de encontro
7 xullo, martes 18,30	Saída pola baía de Baiona. No veleiro Nauja. Prezo: 18 €*	Xosé Lois Vilar	Peirao da Lonxa. Baiona
9 xullo, xoves 17,30	Polas ribeiras do río Muíños	Fernando Lahuerta	Local do IEM
15 xullo, mércores 17:30h	Ruta de sendeirismo circular por Peitieros e Morgadáns	Antonio Lago Xosé Ramón García	Local do IEM
23 xullo, xoves 17:30	Baiona histórica	Carlos Méixome	Praia da Ribeira de Baiona. Xunto estatua de Afonso VIII (“IX”)
28 xullo, martes 20,00	Saída nocturna pola baía de Baiona. No veleiro Nauja. Prezo: 18 €. *	Xosé Lois Vilar	Peirao da Lonxa. Baiona
30 xullo, xoves 17:30	Ruta pola fraga de Oliveira	Xilberte Manso Xosé Ramón García	Praza de Sabarís
6 agosto, xoves 17:30	Polo río Morgadáns: da Ponte das Animas aos muíños da Serra.	Alfredo López	Local do IEM
10 agosto, luns 20:00	Noite de estrelas e lobos	Xosé Lois Vilar, Xilberte Manso, Enrique Alonso Blanco	Praia de Santa Marta Baiona
20 agosto, xoves 17:30	Ruta de sendeirismo pola Portavedra	Xilberte Manso Xosé Ramón García	Local do IEM
27 agosto, xoves 20:00	Ruta polo río Vilar- A Pedreira	Xosé Lois Vilar Xilberte Manso	Praia de Santa Marta Baiona
*. Paras as saídas marítimas é preciso anotarse previamente no tfno. 629 11 41 62. Durante o mes de agosto terán lugar outras dúas saídas marítimas pola baía de Baiona, con similares prezos, e datas que se anunciaran oportunamente.
Local do IEM: Aula de Cultura Ponte de Rosas. Avda. da Feira 10, baixo, Gondomar.