O deputado delegado de Cultura, José Juan Durán fixo entrega de máis de 200 títulos editados polo Servizo de Publicacións da Deputación ós IES Primeiro de Marzo (Baiona); Auga da Laxe (Gondomar); Terra Turonio (Gondomar); A Sangriña (A Guarda); Val Miñor (Nigrán); Escolas Proval (Nigrán); IES Tomiño (Tomiño); San Paio (Tui) e ó IES Francisco Sánchez (Tui) (more…)

 Neste ano no que a Real Academia Galega recoñece o inmenso labor cultural realizado ao longo da súa fructifera vida por Xosé María Álvarez Blázquez, dedicandolle o Día das Letras Galegas, o Instituto de Estudos Miñoranos quere sumarse aos múltiples recoñecementos que se lle están a facer por todo o país editanto un texto breve que Xosé María Álvarez Blázquez títulou Crónica rimada de Baiona e o seu mar que recolle a conferencia que o polígrafo tudense pronunciou no salón de Plenos do concello de Baiona en 1964.  (more…)

Verdegaia vén de solicitar á Dirección Xeral de Conservación da Natureza da Consellería de Medio Ambiente e Desenvolvemento Sostible a inclusión da Serra da Groba na Rede Natura 2000 co apoio doutros once colectivos: ADEGA, ASCEL, Ecologistas en Acción, Federación Ecoloxista Galega, Fusquenlla, Greenpeace España, Grupo de anelamento Anduriña, Matar por Matar Non, Salvemos Monteferro, SOS-A Groba e Syme.  (more…)

:: Neste libro-CD-DVD ofrécese unha seitura realizada, con cariño e xenerosidade, por preto de medio cento de persoas baixo a coordinación do INSTITUTO DE ESTUDOS MIÑORANOS ::

 O quince de outubro, 1936, na saída de Baiona cara a Baredo, na altura da Bombardeira, nove veciños do Val Miñor son asasinados nunha máis das cruentas matanzas que naqueles meses asolaron o noso país nunha guerra de exterminio planificada. A memoria das súas mortes escribiu unha das máis fermosas páxinas de resistencia. Durante décadas mans anónimas e populares riscaron sobre as areas da beira da estrada nove cruces, realizadas cun trazo de urxencia. O lugar sería dende aquela coñecido como A
VOLTA DOS NOVE.

(more…)

O Instituto de Estudos Miñoranos entregará este venres 28, no pazo de Escola de Mañufe, en Gondomar, o V Premio Nano Cambeiro a  Xosé Reigosa Solleiro e Ángel Reigosa Solleiroi, autores da páxina web Salvemos Monteferro. (more…)

A secretaria xeral de Benestar da Vicepresidencia, María Xesús Lago, explicou hoxe, durante a inauguración da oficina de igualdade e benestar de Gondomar, as principais liñas de actuación que van desenvolver os equipos comparcais do II Plan Galego de Inclusión Social. Un deles, composto por tres profesionais, vai traballar dende a Oficina de Igualdade e Benestar e o consorcio puxo en marcha na localidade de Gondomar, e que cubrirá toda a comarca do Baixo Miño. (more…)

O conselleiro do Medio Rural, Alfredo Suárez Canal, mantivo un encontro con representantes de Comunidades de Montes do Val Miñor para presentar as diferentes actuacións aprobadas polo seu departamento de cara a valorizar os usos do monte nesta zona, que ascenden a un total de 1.006.625,63 euros. Trátase dun conxunto de iniciativas encamiñadas, según indicou o conselleiro, “a acadar a mellora das condicións dos montes para o seu uso social e divulgativo, así como das súas condicións ambientais, a través da creación de espazos axeitados e instalacións e infraestruturas que aumenten as posibilidades do seu uso social e transmitan os valores que representan”. (more…)