Os socialistas de Biona síntense ofendidos polas declaracións feitas o pasado mércores polo alcalde da localidade nas que manifestaba que a situación de verteduras á marisma que se están producindo en Sabaris non son da súa responsabilidade.

”Ao igual que en practicamente todos os problemas que queixan ao municipio, declara que é non da súa competencia e responsabilidade que tales verteduras estéanse producindo. Este é o argumento que utiliza sempre para manter á vila nunha situación de total abandono”, aseguran.

2O abandono no que o Alcalde ten á parroquia de Sabaris súmase ás continuas queixas dos veciños sobre a limpeza de camiños e cunetas, e o servizo de recollida de lixos”, denuncian os socialistas.

O PsdeG-PSOE de Baiona vén denunciando estes problemas en todo o Concello desde fai tempo pero parece que o Alcalde tampouco ten competencias.Finalmente, o PsdeG-PSOE de Baiona lembra ao Alcalde e ao seu equipo que o seu deber é solucionar os problemas dos baioneses e non buscar continuamente escusas diante dos mesmos, nin moito menos crealos como acontece estes días nas praias de Baiona

Cumprido un mes da entrada en servizo do Punto Limpo de Gondomar, e sendo conscentes de que a utilización do mesmo polos veciños irá en aumento, o Concello fai xa unha primeira valoración que non pode ser máis  que positiva.

 O número de persoas que acudiron a depositar residuos foron cuarenta e cinco; acudiron de tódalas parroquias sendo maior o número, lóxicamente, das parroquias máis próximas: Vincios, trece, Chaín, 4, Peitieiros,5, Gondomar, 11, etc.

 Polo que fai aos residuos depositados van desde enseres e voluminosos, ata papel e cartón, pasando por aceites usados, pinturas, restos de poda, entullo, etc.

 Gracias a esta utilización podese ir comprobando como, pouco a pouco, van diminuíndo os residuos depositados incontroladamente en diferentes puntos, mália que neste aspecto haxa aínda moito que mellorar.

 Aproveitando a ocasión o goberno municipal recorda á poboación que o horario de funcionamento do Punto Limpo é: de luns a venres de 16 a 19 horas e os sábados de 10 a 14 horas, e que nos centros parroquiais dispoñen de exemplares do Regulamento de –funcionamento do mesmo no que poden consultar qué residuos, e en que condicións se poden depositar. Igualmente chamando aos teléfonos do Concello.

 Animamos aos veciños e veciñas de Gondomar a que se tomen a pequena molestia de acudir á instalación a depositar aqueles residuos que non teñen saída a través dos  coolectores verdes, azuis ou marelos. Poden facelo comodamente en coche ata o interior da instalación na que serán aconsellados polo responsabel do servizo sobre o uso de cada colector.

 Desta pequena molestia de cada un de nós, saírá un gran beneficio para o noso  concello do que poderemos presumir todos.

A Consellería de Medio Ambiente e Desenvolvemento Sostible e a asociación Europarc-España  inauguran mañá en Baiona (Pontevedra) o XIV Congreso de ESPARC, centrado na conservación de espazos naturais e ecosistemas. O  congreso, que se desenvolverá ata o vindeiro día 22 de xuño, ten como obxectivo o intercambio de experiencias en cuestións relacionadas co patrimonio natural e biodiversidade, os retos de xestión da Rede Natura 2000, os compromisos internacionais en materia de conservación da natureza, entre outras.

A iniciativa está organizada por Europarc-España, sección española da federación do mesmo nome que reúne a organizacións dedicadas á conservación da natureza en Europa, e a Consellería de Medio Ambiente, coa colaboración da Consellería de Pesca e Asuntos Marítimos, o Ministerio de Medio Ambiente, Medio Rural e Mariño e o Concello de Baiona.

O conselleiro de Medio Ambiente e Desenvolvemento Sostible, Manuel Vázquez, e a conselleira de Pesca e Asuntos Marítimos, Carmen Gallego, interveñen mañá na inauguración do congreso, xunto ao alcalde de Baiona, Jesús Vázquez, e o presidente de Europarc – España, Jorge Bonnet.

Tras a inauguración, desenvolverase a primeira ponencia a cargo do catedrático de Ecoloxía da Universidade Autónoma de Madrid, Carlos Montes del Olmo. O xoves, o congreso centrarase nunha serie de talleres sobre as boas prácticas de conservación de hábitats e especies; espacios naturais, litorais e mariños; xestión da Rede Natura 2000; técnicas para avaliación da eficacia na xestión e conectividade ecolóxica. As sesións de traballo dos talleres desenvolveranse dende as 09,30 horas ás18,00 horas.

O venres estará centrado na presentación de experiencias por parte dos asistentes, nas que se abordarán cuestións como as áreas mariñas protexidas en diferentes rexións de España; plans de xestión dos LIC acuáticos; evolución de espazos naturais; consorcios de xestión de espazos naturais; planificación e xestión de espazos de interese local; agrobiodiversidade ou plans de conservación de diversas especies e hábitats. Entre os participantes atópanse representantes de comunidades como País Vasco, Cataluña, Cantabria, Valencia, Canarias, Asturias e Andalucía.

O deputado delegado de Cultura, José Juan Durán fixo entrega de máis de 200 títulos editados polo Servizo de Publicacións da Deputación ós IES Primeiro de Marzo (Baiona); Auga da Laxe (Gondomar); Terra Turonio (Gondomar); A Sangriña (A Guarda); Val Miñor (Nigrán); Escolas Proval (Nigrán); IES Tomiño (Tomiño); San Paio (Tui) e ó IES Francisco Sánchez (Tui)

Esta actuación, englobada dentro da campaña de dotación de fondos bibliográficos ós centros da provincia que desenvolve o organismo provincial, ten por obxecto manter unha relación periódica entre a Deputación e os institutos e achegar ós profesores e alumnos as publicacións editadas pola institución provincial.

Dentro dos títulos doados pola institución provincial, compre destacar “Soutomaior en pinceladas”, de Feliciano Trigo Díaz, “Soutomaior 1700-1936. Aproximación á historia local”, de Luis Obelleiro, “Los caminos de la memoria”, de Valentín G. Carrera, “Castelao entre nós”, de Lino Pazos, “Mitos de fin de siglo”, de varios autores, “Darío Basso. Obra: 1986-1999”, de varios autores, “Fortalezas de la antigua provincia de Tuy”, de Jaime Garrido, “El tren en Galicia. Aproximación a la política del transporte ferroviario en Galicia”, de José Antonio Díaz Fernández, ou “Muíños nas terras de Redondela. Estudio etnolóxico dos muíños de auga”, de Miguel Ángel Abraira.

Outros títulos desta quenda son “A Cañiza”, de varios autores, “Álvaro Cunqueiro. 1911-1981”, de varios autores, “Valle-Inclán en el fin de siglo. Femeninas”, de Xaquín Núñez Sabarís ou “Peixes medievais”, de Xosé María Vila Ribadomar.

:: A Concelleira de Emprego, a Socialista Purificación Leal Docampo, sinala que a xestión e a colaboración coa Xunta de Galicia fará que este mes incorpórense a plantilla de Nigrán 25 personas en Programas Cooperación e 43 no Obradoiro de Emprego Nigrán II ::

A Xunta de Galicia a través da Consellería de Traballo e cofinanciado polo Fondo Social Europeo ven de aprobar a subvención ao Concello de Nigrán de 300.000 € para a contratación de personal para diferentes programas.

Así o goberno de Nigrán verase beneficiado coa contratación de 11 Socorristas Federados para praias que, xunto cos membros de Protección Civil, encargaranse da vixiancia dos arenais de Nigrán durante os meses de verán. Dende o 15 de xuño ao 15 de setembro as praias de Nighrán contarán con este servizo subvencionado ao 100% pola Xunta de Galicia por un importe de 44.711.71€.

Durante os próximos 12 meses o Concello de nigrán disporá duna Brigada de catro personas para Limpeza e Desbroce, adxunta a Concellería de Parques e Xardíns, tamén financiada pola Consellería de Traballo e o FSE cunha cantidade de 55.621,92€.

Un/unha traballador/a de Técnico/a de Xuventude Ciclo Superior ocuparase de levar a cabo “accións docentes e didácticas na Concellería de Xuventude” durante os próximos nove meses. 

Tamén nos próximos nove meses a Concellería de Cultura e Deportes disporá de dúas personas gracias a contratación, a través dos programas de Cooperación da Consellería de Traballo, dun/ha animador/a sociocultural e un/ha animador/a para actividades físicas, técnico/a de deportes.

Un Ciclo Superior en Turismo levará a cabo o seu traballo en Nigrán nos próximos seis para realizar a obra ou servizo de “Animador/a Turístico” adxunto/a a Concellería de Turismo.

Durante os próximos 12 meses dous ordenanzas serán contratados tamén a través de este programa para traballar no Pavillón de Deportes e no Centro de Información a Muller (CIM).

Catro Peóns, adscritos a Concellería de Obras, serán tamén contratados durante 9 meses  subvención e completarán a cuadrilla de Obras que tan boa labor está a facer no ámbito municipal.

Por último, un/ha auxiliar administrativo completará estas 25 contratacións que levará a cabo o Concello de Nigrán no mes de xuño co fin de ofrecer un mellor servizo aos cidadáns e coa complicidade e colaboración da Xunta de Galicia.

É unha responsabilidade dos gobernos municipais e así o plantexamos en Nigrán dende a chegada a Alcaldía e dende a Concellería de Emprego que dirixe a Socialista Purificación Leal Docampo, a necesidade de que a administración local  participe en aquelas accións que conleven a formación e sobre todo ao emprego dos nosos vecinos. Co apoio da Consellería de Traballo pon en marcha un gran proxecto de emprego co que se contratarán a 25 personas desempregadas para levar a cabo diferentes obras no Concello de Nigrán. As administracións Locais non poden permanecer ao marxen nun momento no que as perspectivas de emprego están máis estancadas a nivel mundial.

A subvención recibida dende a Consellería de Traballo que cubre o 100% dos gastos de contratación é de 300.000 €, demostrase unha vez máis o compromiso das diferentes administracións co goberno de Nigrán e a capacidade de xestión por parte dun goberno que está a traballar co único obxectivo de velar polos  interes dos vecinos e veciñas de Nigrán con responsabilidade e sin demagoxias.

::  O Partido Popular de Gondomar presentou unha moción de urxencia para instar ao concello a retomar a exposición pública do PGOM do 2006, que foi rexeitada ::

O presidente do Partido Popular de Gondomar, Carlos Silva Mariño, comparte a posibilidade de por en marcha unha comisión de seguimento do PGOM do 2006, despois de que este fora o motivo polo cal o pleno rexeitase a recuperación da exposición pública do documento. Esta medida foi obxecto dunha moción de urxencia, presentada hoxe no pleno ordinario de Gondomar por parte do PP de Gondomar e rexeitada cos votos en contra do BNG e do PSOE.

Os socialistas argumentaron que, antes da súa exposición pública, o Plan debería de ser estudado por unha comisión de seguimento que valorase a viabilidade de retomar o plan ou non. O PP mantén que a única saída viable ao Urbanismo é recuperar o PGOM do 2006, de aí que non se opoña a esta comisión. Neste sentido, o voceiro popular cre que “é compatible a creación dunha comisión e o inicio simultaneo da exposición, xa que o que queremos e defendemos é a participación e a democracia para solucionar a paralización urbanísitca no noso municipio”. Por iso considera que “expoñendo o documento aos veciños, os cidadáns tamén poderán expoñer o seu punto de vista sobre o documento e facer as alegacións que consideren necesarias, algo que só poderán facer únicamente unha vez visto o documento”, asegura Carlos Silva.

O PP aposta por “dar plenitude de competencias á comisión, formada por tódolos partidos con representación na Corporación de Gondomar. Desta forma, crearíase un grupo de traballo independente, que velaría pola transparencia e a legalidade do proceso”, asegura. Carlos Silva va máis aló, e “revisaríamos os convenios urbanísticos susceptibles de sospeita, sendo obrigada a súa suspensión no caso de que detectemos calquera índice de ilegalidade”.

A Consellería de Medio Ambiente e Desenvolvemento Sostible investirá 755.014 euros na adecuación, selado e clausura do vertedoiro de residuos sólidos urbanos (RSU) do parque empresarial de Porto do Molle, no concello pontevedrés de Nigrán. O Consello da Xunta autorizou hoxe a colaboración  entre a administración autonómica e a local para a execución desta actuación.

Os traballos a realizar pasan pola excavación dos residuos existentes no vertedoiro actual, sito en terros propiedade do Consorcio Zona Franca de Vigo, no Parque Empresarial de Porto do Molle,  e o seu traslado a unha parcela de recepción, onde se procederá ao seu selado e ao control de lixiviados e gases. Con estas obras preténdese eliminar os riscos e efectos ambientais negativos producidos como consecuencia da actividade do vertedoiro.

A clausura do vertedoiro é unha actuación incluída no Programa de Rexeneración de Espazos Degradados do Plan xeral de Residuos Sólidos Urbanos de Galicia, na que se establece a colaboración da Consellería de Medio Ambiente para desenvolver os mecanismos axeitados para acadar unha xestión sostible dos residuos urbanos nos concellos de Galicia.

O prazo de execución da obra é de catro meses.

A Concelleria de Cultura e Deportes do Concello de Nigrán quere informar os medios de comunicación que se ven de celebrar no salón de plenos do concello  a presentación do II Campus de Verán Carlos Pérez. A presentación estivo arroupada  coa presencia ademais do Concelleiro de  Cultura e Deportes Xose Lois Gutiérrez polos ex-xogadores do Celta Couñago e Curiel.

O campus vaise celebrar novamente nas instalacións do campo de fútbol de Vilariño en Nigrán do dia 14 o 20 de xullo con horario de 10:00 h. a 18:00 h. de luns a venres e de 10:00 h. a 14:00h. sábado e domingo e é obiamente unha iniciativa apoiada pola Concellaría de Cultura e Deportes.

Este campus está orientado a nenos e nenas de 5 a 13 anos, nel podrán desenrolar e ampliar técnicas deportivas de fútbol, xogos que estimulen a creatividade autoestima e traballo en equipo, talleres de diferentes tipos, hinchables para quepoidan saltar, divertirse e realizar xogos, todo elo sempre orientados e dirixidospor técnicos e monitoresespecializados en cada disciplina. Tamén se realizará unha excursión a Balaidos e o museo do Celta, a comida servirase cun catering cualificado enalimentacdión infantil.

Ademais habera moitos  agasallos para a rapazada e a diversión combinada co deporte e a creatividade está garantida.

Do 4 ó 15 de Xuño a Casa da Cultura do Concello de Gondomar acolle a mostra “O noso mundo, o noso futuro, a nosa opción”.

Con esta exposición o concello súmase á conmemoración do Día Mundial do Medio Ambiente. Os obxectivos son achegar á poboación e en concreto a comunidade educativa o fenómeno do cambio climático, as súas causas, a súa relación cos modelos de produción e consumo enerxético, e as respostas necesarias dende a acción individual e colectiva para facerlle fronte.  Tamén dar a coñecer as causas e os efectos do quentamento global , clarificar ideas erróneas ou sesgadas sobre este fenómeno , analizar criticamente a influenza das nosas actividades cotiás sobre o clima, concienciar da necesidade de cambiar os nosos hábitos para loitar contra os efectos do cambio climático e fomentar boas prácticas ambientais que contribúan ao aforro enerxético na escola e na casa .

A mostra consta do visionado dun audiovisual sobre as causas, os efectos e as solucións do quentamento global, Paneis explicativos e obradoiros ambientais, así como un caderno de actividades didácticas para os escolares.

O próximo venres 6 de xuño de 2008 no Pazo da Escola de Mañufe-Gondomar ás 20:30 h. terá lugar a última das TERTULIAS DO IEM deste curso 2007/08. Para poñer o ramo aos faladoiros deste curso estará con nós o historiador e Presidente do Consello da Cultura Galega Ramón Villares.

Ramón Villares Paz naceu en Vilalba en 1951. É catedrático de Historia Contemporánea da Universidade de Santiago de Compostela desde 1987 e é membro electo do Pleno do Consello da Cultura Galega desde 2003, ano no que comezou a dirixir o seu Arquivo da Emigración Galega e a Sección de Cultura Galega no Exterior e en abril de 2006 foi elixido presidente do Consello da Cultura Galega. Foi decano da Facultade de Xeografía e Historia no período 1986-1990, rector da Universidade de Santiago entre 1990 e 1994 e membro fundador e presidente da Asociación española de Historia Contemporánea (1996-2002). Foi tamén director en Galicia da Universidade Internacional Menéndez Pelayo.

É autor de máis de setenta publicacións, entre as que destacan libros como “La propiedad de la tierra en Galicia, 1500-1936”, “Foros, frades e fidalgos, Estudos de historia social de Galicia”, “Figuras da nación” e El mundo contemporáneo, siglos XIX y XX, Editorial Taurus, Madrid, 2001 (en colaboración) entre outros, ademais da reeditada en varias ocasións “Galicia. A Historia” (con versión en lingua española e portuguesa). Dirixiu dezaseis Teses de doutoramento e vinte Memorias de Licenciatura, ademais de ter sido tamén Investigador Principal de cinco Proxectos de Investigación (CYCIT e Xunta de Galicia), así como de varios Convenios de Asistencia Técnica. Realizou estadías de investigación na Universidade de Bologna (Italia) e no centro “Alcide Cervi” de Roma, ademais de ser Profesor convidado na Ecole de Hautes Etudes (París) e no Instituto de Ciencias Sociais (Lisboa). Forma parte do Consello Editorial de Marcial Pons, Ediciones de Historia e pertence ao consello asesor de revistas como Ayer (M.Pons Ediciones de Historia), Historia Social (Valencia), Hispania (Madrid), Ler Historia (Lisboa) ou Perspectivas Históricas (México).

O convidado será presentado por Carlos Méixome, director do IEM. Ao remate do acto aberto ao público e como é costume haberá unha cea co noso convidado, no mesmo Pazo da Escola, á que se pode asistir previa reserva no 680 644 490 ou ben no enderezo electrónico direccion@minhor.org.