Cambiamos de dirección. Clica na imaxe para acceder á nova

Cambiamos de dirección esta páxina pasa a estar ubicada no seguinte enderezo

Advertisements

Caixanova e o Concello de Gondomar asinan un convenio de colaboración en materia cultural

·:·: A rúbrica deste acordo contempla a realización de importantes actuacións culturais na vila para todo tipo de público :·:·

Caixanova e o Concello de Gondomar subscribiron un convenio de colaboración en materia cultural que permitirá aos veciños desta localidade gozar dunha programación de calidade durante o mes de agosto. O alcalde, Martín Urgal, e o director de Zona Val Miñor-Baixo Miño de Caixanova, Lino Álvarez, foron os encargados de rubricar o acordo.

Actividades Culturais en Nigrán

Dentro da Programación Cultural de Verán 2009 do concello de Nigrán, está programado o concerto de música folk a cargo do Grupo Na Revolta, o venres día 17 de Xullo, ás 22:00 horas no antigo Campo das Redes de Panxón, actual aparcadoiro fronte as pistas polideportivas.

Nova Xeira do Instituto de Estudos Miñoranos

Continúan as Xeiras que organiza todos os anos o Instituto de Estudos Miñoranos. A proposta de hoxe volve ás rutas de sendeirismo.
Trátase dun percorrido de sendeirismo no que visitaremos algúns dos ecosistemas máis típicos da zona. Acadaremos unha pequena meseta que nos mostra dende Paredes de Coura en Portugal, o val do Miño ata o Tegra polo sur, polo oeste e noroeste unha visión a cualificar do Val Miñor, Rías de Vigo, Arousa,…as illas Estelas, Cíes, Ons ,…e revisaremos algunhas peculiaridades da vexetación da zona.

Ruta de sendeirismo circular por Peitieiros e Morgadáns

Mércores, 15 de xullo de 2009
Hora: 17,30
Saída do Local do IEM (Aula de Cultura Ponte de Rosas. Avda da Feira, 10. Gondomar)
Guías: Antonio Lago e Xosé Ramón García

Cacerolada contra a Moción de Censura en Gondomar

Comunicado de Prensa da Oposición de Gondomar

Os plenos ordinarios de xuño e xullo
Os grupos da oposición de Gondomar manifestan ante os medios de comunicación o seu malestar ante o que consideran “a última perversión de Antonio Araúxo como alcalde”. Así, en relación aos plenos ordinarios celebrados esta semana, a oposición de Gondomar reafirma a súa postura e manifesta que “unha vez convocado un pleno extraordinario para o debate dunha moción de censura non ten sentido ningún convocar un pleno ordinario, e moito menos dous”. PP, PSOE e MoveGondomar recordan que o pleno celebrado onte, tíñase que ter celebrado o primeiro xoves do mes de xuño, e “non na mesma semana que o de xullo, sen convocar ningunha comisión informativa, tarde, mal e arrastro, seguindo a tónica xeral dos últimos anos”. En opinión da oposición estes plenos non son máis que “un teatrillo para que Antonio Araúxo exprima o seu victimismo ata o final”.

III Festival Folclórico Internacional de Nigrán

A Concellaría de Cultura que dirixe o nacionalista Anxo Valverde Pino, quere informar aos medios de comunicación social que dentro da Programación Cultural de Verán 2009 para o martes día 7 de Xullo está programado o III Festival Folclórico Internacional ás 22:00 horas no antigo Campo das Redes de Panxón, actual aparcadoiro fronte as pistas polideportivas.